U lai yaklam waka sorkar pyrdi deiwa ya syllok chwa wa ki paidbah yow wanrah luti rel cha South Garo Hills: Conrad

U Montri Rangbah ka jylla, u Conrad K Sangma da ong u wa daw yaklam u wa ka sorkar India hajrong i thoh wa da yoh u na ki MLA ka South Garo Hills kiwa da pynsñiaw wa kwah u pynlai ya ka luti rel na Mendipathar cha Baghmara hadooh Dhaka, Bangladesh.

“Yeini daw rah cha ka Railway Ministry deiwa yaklam chwa kamtu wei daw yaklam chwa leh wa ki paidbah,” da ong u Conrad.

Da ong u leh wa emkaam chwa wow ya syllok wa ki paidbah ha Garo Hills yow ap yei sñiaw yong ki.

Da ong u wa da klam che wa ki paidbah emkaam ki wow embynta lang yow sñiawthooh kammon sñiaw ki neibhah wow wanrah ya ka luti rel toh iwa heh i pynlut tangwa man won ko wow pynku ya ka yoh ka kot ka thaaiñ khamtam ya ki warep wa kiwa em khih dei yong ki hi.

Related posts

Dadep pynche la chispah sien yei chim ram wei u pynche chooh chooh: Conrad

March 7, 2025

Da ka yong ka poisa lai pait Cricket ki Adviser ka sorkar cha Dubai, paan jubab u Ardent

March 7, 2025

Kam wow pynkynmoo wa ki 3 ngut ki MLA na South Garoh Hills da e kti ki ya ka dorkhat ha u Montri Rangbah ka jylla ha kani ka tayaaw yow paan luti rel na Mendipathar, North Garo Hills chadooh Baghmara wa em ha South Garo Hills lyngba ka Nongal lane Tura wei wow pynpoi leh chadooh Dhaka khnang wow pynku ya ka khayi pateiñ ka thaaiñ wei yow man kam ha ki por wa nachwa hadooh wow ya khayi waka Bangladesh.

Ki MLA kiwa da lai e dorkhat kynthup ki ya u Rakkam A Sangma, MLA ka Rongara Siju, u Kartush R Marak, MLA ka Baghmara wa u Sengchim N Sangma uwa man u MLA ka Chokpot.