Pynchlur u Dr. Celestine wow chim ram neibhah wot ki jylla wa heh wa da ku leh chim ki chiboon

U MLA ka Umsning, u Dr. Celestine Lyngdoh da ong u wa iyi iyi wa ka sorkar e ko la da ki sarok, ki yung krehkaam næ ki C&RD Block da em bait kiwa klam ha sor næ ha palatsor kiwa pynbaad wa kiwa e waroh toh da ka poisa wa chim ram.

Hawa pynksan ya ka sorkar hawa klam u hajrong ka mang tyngka hapoh ka dorbar chna aiñ ynne, u Dr. Celestine da ong u wa hawa puræ ha ka “Business Today” kawa pynmih ha ka 27 tarik u Thohlakhmi (Feb), da thoh wa katkam ka Report ka RBI heiyatoh wa ki jylla wa boon ram tam, ka Tamil Nadu toh kawa hakhmat dooh, ka Uttar Pradesh hei wa ar, ka Maharashtra, West Bengal, Karnataka, Andhra Pradesh, Gujarat, Kerela wa Madhya Pradesh toh ki 10 tylli ki jylla wa boon ram tam, wei da sñiawphylla hawa pait won ya ki jylla kiwa heh dooh ka GSDP næ kiwa da ye u ku bha ha ka roi ka par, kini ki jooh ki jylla da em ki ha kani ka jooh ka thup.

Da ong u wa iyi wa da chem neini wa ki jylla kiwa nood wow chim ram boon toh ki jylla kiwa rap krehkaam bha, kamtæ u Dr. Celestine da pynchlur u ya u Montri Rangbah deiwa ong wa lada ka sorkar kwah ko wow pynku ya ka jylla cha khlieh ha ki kaam pynroi, toh u nood wow chim ram.

Heiyatoh won yei em i pyrtuid CM ha ki Scheme, da ong wa hapoh yung dorbar da pynman kam ka phang yaklam du neidaw wa em i pyrtuid ‘Chief Minister’, kam ha ka CM Elevate, CM Assure, CM Focus wa kiwi, heiwa da em uwi u MLA wa da ong wa ini toh du neibynta wow pynku yei naam u Montri Rangbah.

Related posts

Ki kaam pynroi toh da ka poisa ka jylla deilang ka sorkar pyrdi ymtoh deiwa chim ram: Conrad

March 10, 2025

Kyntait u Ronnie wa daw psiah u cha ka NPP

March 10, 2025

U Dr. Celestine da yania u wa hawa thoh CM ym mut i pyrtuid u bru wa e Scheme, i e pyrtuid ya ki Scheme chong ko ha i bor laitlooid yong ki Montri sorkar wei CM toh i pyrtuid wow e naam ya u ka yung krehkaam wa uwon uwon uwa chong ha katai ka yung krehkaam da yoh u ya ini i naam neibhah ym em e dei pyrtuid uwa man Montri Rangbah.

Da yada u leh ya ka sorkar hajrong i chah pynbaad heiyatoh wa i thung ya ki Consultant kiwa da chah pynbaad wa pynlut por ki wow yalehke PUBG. Da ong u wa lada ym em ki Consultant kiwa yarap kiwa kyrchaan poisa leh ym em ki.

Heiyatoh wa ini i chah pynbaad yalehke PUBG, da ong u wa hawa phah leh ki yei kaam wei katwa dang yang, wei lada kwah ki wei sñiawsuk ki, ye ki wow leh PUBG, ye ki wow rwai wei ye ki wow yalehke. Da ong u leh wa i pynbaad wa ya ki Consultant wa chim ki chiboon ka poisa katwa kiwi ym yoh ki wei da toh u pyndam ki, da ong u wa khlem ki Consultant ym ye wow leh iyi iyi.