U pynkreh ka sorkar da ka ORS yow smat pyntip yei chlai um

Ka sorkar daw sdang ko da ka Online Reporting System (ORS) yow pynsmat u pyntip wei yarap ya kiwa chong chnong lada jia i chlai um.

U Montri Rangbah ka jylla, u Conrad K Sangma da ong u wa ka sorkar da pyrchang ko wow pynpoi smat yei yarap heipor wa chah ktah ha ki bor ka bei rymaw, deiwa pynsñiaw leh wa ka sorkar daw booddien ko yei long i man ka rymaw yow ye u e maham chwa lada em i maa wa wan nei joor slap wei chlai um.

Hachwa wow jubab yeini hawa kylli da u MLA ka TMC na Dedengre, u Rupa Marak, u Montri wa pait ya ka chnat Disaster Management, u Kyrmen Shylla da khana u wa em 28 tylli ki manyung wa da chah ktah nei chlai um ha u snem 2024 hapoh Dedengre C&RD Block.

Related posts

Khut ka Khimusniang ya kiwa kwah u thied-wai ya ka Khruk-Khruk, Housie, Lucky 7, Tent House, ki dukan baam wa kiwi de neibynta ka Fete 2026

February 19, 2026

Wan ki khynroo khyllood cha ka Recruitment Drive yow yoh u lai kreh cha baar ri

February 19, 2026

Hawa kylli pynrap da u Mukul Sangma uwa man leh kam uwa yahkhmat ka Liang Pyrchah, neiliang u Conrad da pyntip u wa ha ha ki 5 snem wa dadep i yarap poisa wa da e da kynjoh ko cha ka Rs. 322 klur kawa toh lyngba ka Disaster Respond Fund wa Rs. 81 klur na ka State Disaster Mitigation Fund.

Da khana u leh wa du ha u snem wa dadep i lut man i Rs.71 klur cha kiwa chah ktah ha ki bor rymaw. Yow smat u e yarap, da booh bait Rs. 25 lak ha ki Deputy Commissioner yow e yarap ki manda emkaam jhan.