Ha uni u bnai u pyndep yei kreh wei u wai leh ya ka Science & Commerce College ha Mawphlang

U Montri wa pait ya ka chnat puræ puthi ka jylla, u Rakkam A Sangma da pyntip u wa i kreh ya ka Science and Commerce College ha Mawphlang dadep hadooh 86%, wei da booh thong wow pyndep myntu u bnai wei yow sdang leh wow e sikai na uni hi u snem.

Hawa jubab yeiwa kylli wa da wanrah da uwa yahkhmat ka Liang Pyrchah, u Dr. Mukul Sangma, neiliang u Montri da khana u wa yei pynkreh da pait da ka chnat PWD (Building), wei da khana u leh wa i kreh toh hadooh wow pynpoi bordiñ, ka um wei wow siang rong ya u sarok wa lai cha katai ka College wei kini waroh da lai ki chakhmat.

Da pyntip u leh wa ka sorkar da tyrwa ko wow pynmih 46 tylli ki kreh ha katai ka College.

Hawa yatoh wa ka Science and Commerce College ha Bahsapara, Mahendraganj, u Rakkam da pyntip u wa i chna dadep ko kamwa 66% wei da booh wow pyndep ha u Wisu (Mar), 2026. Ha kani ka College da tyrwa wow pynmih 46 tylli ki kreh yow ye u pyndap yeiwa emkaam.

Related posts

Yap uwi wei mynsoo joor ka kurim hadien wa chah tyrrah ka Scooty ha ka Thar

September 22, 2026

Dawa kiwa chet ja skur wow pteiñ ya ka PM Poshan wei pynku ya ka nong cha ka Rs. 9000 | Pynman yakhih ha waroh ki HQ ki District

September 22, 2026

Hawa yatoh wa ka poisa yow chna College ha Mawphlang, u Rakkam da pyntip u wa da pynlut Rs. 36.55 klur kawa man da 90:10 heiwa ka ka sorkar pyrdi da e ko 90% katwa ka sorkar jylla won 10% wei ka poisa kawa da yoh toh Rs. 31.1685 klur na ka sorkar India.

Katwa neibynta ka Bahsapara College i lut man ko Rs. 36.31 klur da ka 90:10 hi wei ka poisa wa da pynlait da ka sorkar pyrdi hadooh kattæ toh Rs. 23.5274 klur.