Ka Thadlaskein Football League 2024 wa pynman da ka Thadlaskein Sports Association (TSA) ha Wahiajer Multi Sports Complex, da pteiñ ya ka ynne deiwa pynman biang ar tylli ki yalehke Pre-Quarter.
Ha ka yalehke wa nyngkong, ka Nongkhroh Rim da jop ko ya ka Youngstar FC Namdong da 6-2.
Ya ka Nongkhroh Rim da yoh Hat-Trick da u Rahbok Synnah uwa da thap ha ka minit wa 25, 28 wa 51, u Hamran Myrboh ha ka minit wa 58 wa 69 wa u Helpmi Mukhim ha ka minit wa 73 katwa ya ka Youngstar da thap da u Serin Dkhar ha ka minit wa 7 wa 53.
Ha ka yalehke wa bood, ka Grounded FC da jop ko ya ka Maya SC deiwa yachut Tie-Breaker da 4-2 hadien wa kut ka yalehke da 1-1.
Ya ka Grounded da thap da u Ram Dkhar ha ka minit wa 27 katwa ya ka Maya SC da thap da u Dayo Pale ha ka minit wa 63.
Da ini i jop, ka Nongkhroh Rim wa ka Grounded FC da yoh ki wow psiah Quarter Final.
Ki yalehke wa bood u pynman mynstep ar tylli:
Tyrshang SC Vrs Phyllongiinkhaw (12:00 PM)
Nongkhroh Krem Kum Vrs Lurshai Larnai (2:00 PM)
Discussion about this post