Ynne ka sngi da em 3 ngut ki chipai Border Security Force (BSF) wa da yap hadien wa noh ka Bus wa chong ki cha synrang hajan ka chnong Changoubung, Senapati District ka jylla Manipur.
Hapoh kani ka Bus da em 15 ngut ki chipai BSF wa chong hapoh yong ka heiwa da mynsoo leh wa uwa yah.
Neiliang uwi na ki heh pulit da ong u wa em 8 ngut ki chipai kiwa da mynsoo kiwa em hapoh thaw sumaar katni.
Ya kiwa da yap da kit cha Senapati District Hospital wei na kiwa dang chah sumaar da em kiwa mynsoo joor bha wei yei daw wa jia ini ym pu tip.
Neiliang u Lat ka Manipur, u Ajay Kumar Bhalla, da sñiawkhia u yeini iwa jia ha Changoubung deiwa phah ya ka khubor sñiawlem cha kiwa ha-yung ha-sem kiwa yap kamjooh wow smat chait kiwa mynsoo.
Kam wow kdaw heini, ki chipai BSF da pynboon ya ki ha jylla Manipur, hadien wa mih i awri hapyrdi ki ar jaitbru kani ka jylla heiwa da em 258 ngut kiwa da yap wei da ki phwa hajar wa chah ktah iwa da sdang nadooh ka 3 tarik u Naisan 2023.
Discussion about this post