Ki damok wym pu ye u tipmit kiyi, hei miet ka 11 tarik uni u bnai heipor kamwa 11:30 da wan syndet ki wow kawang moo wa kiwi ki kynja tiar wa pdung yei yung ka Theresa Dkhar kawa man chi payu tre wa u MLA ka Mawshynrut, u Methodius Dkhar kawa em ha chnong Seiñduli kawa dang haap hapoh ka thaaiñ Riangdo, West Khasi Hills District.
Kini ki bru najrong ki moo, da kawang ki leh da ki klong wa pdung wei da lait salit ki khon khian kiwa dang thiah wa em ha kani ka kamra wei da embhah ym em mynsoo ki.
Mar ya jia ini, ki bru wa em hapoh yung da mih ki cha lait wei kini ki bru wa leh yeini i kaam da yut noh ki wei da yoo wa pynemkaam ki da kawi ka kari Grand Vitara kawa em ya u Number ML-10D-0254 wei rap hadien da chem wa toh ka kari yong u bru wa tip kam u Skhemborlin Hoojon.
Heiyatoh wa ini wa jia, neiliang ki tre yung kitæ ka Theresa Dkhar wa u Alberal Thongni kam chikurim da lai booh FIR ki hapoh ka Riangdo Police Station, wei katkam ka khubor wa da yoh u lum, neiliang ki pulit da yoh ki wow kem noh ya uwi u bru uwa tip pyrtuid kam u Firstbonshine Palair na ka chnong Seinduli-1 uwa da suba emkti wow leh yeini wei ka takit dang lai ko chakhmat hajrong ini wa jia.
Discussion about this post