Uwa yahkhmat ka Liang Pyrchah, u Dr. Mukul Sangma ynne hapoh ka yung dorbar da kynthah u ya ka sorkar yei e roi ko ya ki License wow wai Wine Store.
Da ong u wa heipor wa man u kam u MLA ka Ampati 25 snem, da em du kawi ka Wine Store wei hadien won ha u 2016 da e sa kawi ka License iwa mut kat da ka District Headquarter em ko du ar tylli donhi ki dukan dai kiad.
Tangwa katni da em boon tylli bha wei da jia ini toh neidaw wa kiwa boon ki khynroo wa kwah seiñ khih, ngiat ki wa i wai da ka Wine Store toh iwa yoh nong bha tangwa katni won neidaw wa da boon ware ki dukan, ym em poisa ki tang wow pynthymme License wei wow su ka bai wai i dukan neidaw wym ye dai.
U Mukul da ong u wa ini i rukom e License toh kam wow pynbiej donhi ya kiwa kwah u seiñ khih heithaw wow booh da ki kyndon hawa chah u wai ki dukan dai kiad neibhah kamwa man kattæ da man ko ka khih kawa dooh nong.
Kamtæ da ong u wa toh u dam noh u e License Wine Store yow yarap u im wei kiwa dang mut u sdang leh yow lait ki wow sihlet.
Heiyatoh wa ki tamasa kam ka Me-Gong Festival heiwa da dai kiad kylleiñ kylleiñ, da ong u wa ki khynnah wa dang khian rta leh da yoh laad ki wow dih wei ya kiwa dang khian rta du nei thaw psiah leh ymtoh u chah ki.
Da ong u leh katwon chah thaad ka jylla hawa mih ki Video ha ki Social Media iwa da jia ha Me-Gong Festival.
Neiliang u Montri ka chnat Excise, u Kyrmen Shylla da e jubab u wa ka sorkar ym em de e License ko ha ki thaw wa da em boon tylli ki Bonded Warehouse wa ki Wine Store.
Discussion about this post