Yoh kem ki BSF ya 7 ngut ki Bangladeshi, 4 ngut ha khappood ka East Jaiñtia

Ki chipai ka BSF Meghalaya da yoh ki wow kem ya 7 ngut ki Bangladeshi wa ar ngut ki nong India ha ki thaw khappood ka East Khasi Hills, East Jaiñtia Hills wa South Garo Hills.

Ki chipai ka 172 Bn BSF hawa lai kynreh ha ki thaw wa em ha khappood ka East Jaiñtia Hills, da yoh ki wow kem ya 4 ngut ki Bangladeshi kiwa da mut wow psiah cha India yow lai chimbynta ha ka pynhiar synjat kiwa emyatoh ki kiwa da chong da sah hapoh India.

Kini kiwa chah kem da pyntikna toh kiwa chong chnong ka Bangladesh.

Ki chipai ka 22 Bn BSF won da yoh ki wow kem ya 3 ngut ki Bangladeshi ha khappood ka South Garo Hills kiwa dang mut wow psiah cha India yow lai thooh kreh tangwa da yoh wow kem ki pyn heipor wa kaap ki ya u pood.

Related posts

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Na pchem yung chah tooh sa kawi ka Scooty ha Jowai

January 5, 2026

Ha iwi won iwa jia, ki chipai ka 04 Bn BSF da yoh ki wow kem ya ar ngut ki nong India deilang ka kari ki kawa kit chini wei ya kini da yoh u ksoh ki ha Nayabazar-Pynursla PWD Road ka East Khasi Hills wei i thmu ki toh wow chalan ya ini i chini cha Bangladesh.

Ya ka kari deilang ki bru da e kti cha ki bor sorkar yow leh ki yeiwa emkaam.