Ka sorkar jylla ha ka yalang ki Montri sorkar da mynjur ko wow thied da ka yung boon mala kawa heh ka wow man kam ka Meghalaya Guest House ha Bengaluru yow pynbiang thaw sah ya ki bru yong ka jylla kiwa lai cha kani ka sorbah wei khamtam ya ki khynroo khyllood wa lai puræ puthi.
Kani ka yung (Building) wa da tyrwa wow thied ha Bengaluru toh kawa daw e thaw sah ya 50 ngut ki chynrang wa 50 ngut ki kynthai.
Da jied ya ka Bengaluru neidaw wa em boon kiwa napoh ka jylla kiwa lai puræ wei da emkaam jhan bha neibhah wa em kiwa chem chitom wow yoh thaw sah.
Nyngkong ka sorkar da pyrkhat ko wow chna da ka Meghalaya House, tangwa kamwa man kattæ i emkaam wa jhan toh ya ki khon khynroo khyllood.
Neiliang ka sorkar jylla da thoh ko cha ka sorkar Karnataka wa ka sorkar jylla da mang ko wow pynlut u thied hei lut wa Rs. 20 klur.
Discussion about this post