Kam chibynta wow pynkhlan yei kit mar na ki um ki wah ha Northeast, ha ka sien wa nyngkong nadooh wa laitlooid da phah mar lyngba ki wah na Dibrugarh cha Dhaka wei ya ini da kaweh lama ha Bogibeel River Port ka jylla Assam.
Kani ka jhaad toh ka DLB Patkai ya kawa synraan da ka lieñ khian ka Kushal Konwer, da mih ko heipor 11:00 waje i step ka 5 tarik uni u bnai deiwa kit 540 Tonne i Industrial Methanol ha ki 27 dabba (Containers).
Ya ini i phñiang da pynmih na Assam Petro-Chemicals Ltd (APCL) ha Namrup, wei u kit ya ki cha Pangaon Port ha Dhaka, Bangladesh.
Ha kani ka sngi da sakhi da u Chief Minister ka Assam, u Himanta Biswa Sarma, u Union Minister for Ports, Shipping and Waterways, u Sarbananda Sonowal, u Transport Minister, u Charan Boro, u Labour Welfare Minister, u Rameswar Teli wa kiwi.
Ka luti wow lai kani ka jhaad toh na National Waterway-2 lyngba ka Brahmaputra kawa kai cha Bangladesh kawa jrong 1300 Km ka luti um.
Deiwa kit mar na ki wah ka sorkar angnood ko wow pynduna yei lut phñiang, ka poisa wa i por.
Discussion about this post