U Doctor ka Barato PHC da leh u boon ki kaam wym man, dawa kyrriah ka KSU-WJHDU

Ka KSU West Jaiñtia Hills District Unit hadien wa yoh yei ood i naam ki paidbah wa chaniah ha ka Namdong CHC wa ka Barato PHC, da lai booh ujor ki ha yung krehkaam ka District Medical & Health Officer ka West Jaiñtia Hills District Barato.

Ka seiñ da yoh ujor ko khamtam na ki kynthai wa ki manbei pyrchah ya u Doctor wa em ha ka Barato PHC uwa pait leh ya kani ka PHC wa leh u chiboon ki kam wym man wym yahaap wa ka imlang sahlang wei da pynsyier mynsien u ya kiwa boon wat wow lai phah pait wei wow lai sumaar ha kani ka PHC.

Hadien wa mih ini i kynrum kynram, ka seiñ da chem ko wa ki bor pynlai da ong ki wow kyrriah ya uni u Doctor tangwa hadooh katni uni u Doctor dang em u ha kani ka PHC hi wot hadien i leh u.

Kamtæ neiliang ka seiñ da dawa ko na ka DMHO wa toh u pyndam noh ya uni u Doctor na kani ka PHC khnang wa ki paidbah u chngaaiñ biang ki u lai phah sumaar wei lai chim dawai.

Heiyatoh wa ka CHC Namdong, ka seiñ da pynsñiaw ko wei da e dei thoh yow dawa pynchna noh ya u sarok yong ka CHC Namdong neibhah wa da sih u chawa palat.

Related posts

Ka patok man ko ka skurbah ong ka KSU hadien wa yoh jamin waroh ki dkhot ka seiñ

October 30, 2026

Kyntait u SP ka East Jaiñtia Hills yeiwa mih khubor wa em 5 ngut kiwa yap nei pdung ka krem mooyong

October 30, 2026

Ka seiñ neipor cheipor da jooh pynsñiaw wei da e ko dei thoh yow pynchna ya uni u sarok wei da e leh dei thoh cha ka sorkar wa cha ka Ampareen Lyngdoh kawa man ka Montri ka chnat i chait i khiah kawa da kular ko wow phah tuklar smat tangwa hadooh kattæ ym pu em leh iyi iyi.

Kamtæ ka seiñ da kyntu joor ko ya ki bor wa toh u pait yow pynchna smat ya uni u sarok khnang wa ki kynthai wa punkhon kiwa lai chim dawai u suk ki.