Da thung da ki Committee wow pait yei dawa luti rel wa ka Nongbah Tlang ha Tura

Ka sorkar jylla da sdang ko ya ka All-Party Committee wow pyrkhat yei tyrwa pynman ya ka Nongbah Tlang namo ka Winter Capital ha Tura.

Ini da mih i hadien wa khai i dawa na ki seiñbhalang na Ri-loom Garo wow pynman ya ka Tura kam ka Nongbah Tlang ka jylla khnang wow wanrah ya ki kaam pynroi wa salonsar.

I kaamram ka Committee toh wow puræ bniah yei lut i sep deiwa pynman Winter Capital ha Tura kamjooh i myntoi wa i dooh myntoi.

Ka Committee daw ap ko leh yei pynsñiaw na waroh khantam ki paidbah chwa wow e ka bui (Report) cha ka sorkar.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh na jrong kani ka Committee daw em leh da kawi ka Committe wow pait yei pynyabi ya ka jylla da ka luti rel.

Ka Committee u thooh ko leh ya ki thaw wa ki luti wow rah ya ka luti rel kamjooh wow ap yei lut i sep, i yaklam wa ki paidbah chwa wow e kti ya ka Report cha ka sorkar. 

Pyn ar kini ki Committee u kynthup ki ya kiwa mihkhmat na waroh ki Party wa dadep Register wei kiwa da tipmit ya kiwa daw khlieh da u Montri Rangbah ka jylla namo u bru wow thung da oo. 

Katkam ka hukum wa da pynmih, waroh ki Party emkaam u tyrwa ki ar ngut ki bru wow man dkhot ha ki Committee.

Waroh ki chnat wa yatoh wa kini ki ar kaam u embynta ki ha ki Committee.