Pyndam u Waheh Chnong ka Mookhep ya ka NOC chna karkhana Coke

Ynne ka sngi, u Waheh Chnong ka Mookhep, East Jaiñtia Hills, u Denis Siangshai da pyntip u wa da dap u dei mynsien wa sñiawkhia wa mih khubor pyrchah ya oo wa u Dolloi ka Elaka Jowai heiyatoh wa ka NOC wa da e cha ka karkhana Coke wa da thmu wow chna ha i thaw wa tip kam i Thlukure Wah Tongtiang.

Da pyntip u wa neidaw wa mih i awri awra ha ka chnong ka thaw, da rai u wow pyndam noh ya ka NOC wa da e cha kani ka karkhana nadooh myntu ka sngi.

Related posts

Charge Sheet ki pulit pyrchah ya ka Sonam deilang ki soo ngut kiwi wa emkti wow pynyap ya u Raja

September 5, 2025

Leh burom ka West Jaiñtia ya kiwa sikai skur ha ka 64th Teachers’ Day

September 5, 2025

Kam wow kdaw heini, ki paidbah ka chnong Wapungskur deilang ka Mookhep da pyrchah ki yei thmu wow chna ya kani ka karkhana wa tip kam ka OM OM Coke wei da mih leh i dawa wow pyndam noh ya ki NOC kamjooh i e bor ka Meghalaya State Pollution Control Board yow chna ya kani  ka karkhana. Da mih leh chiboon i beiñ yeini i e NOC nadooh ki paidbah kamjooh ki seiñbhalang.

Neiliang ka Wapungskur hawa mih lai pyrchah yeini da ong ko leh wa ini i thaw chna ya kani ka karkhana toh iwa dang haap hapoh ka chnong ymtoh hapoh ka Mookhep.