• About Us
  • Contact Us
  • Privacy Policy
  • Advertise With Us
  • Terms & Conditions
Sunday, November 22, 2026
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Chna ya ki aiñ yow kdoh yei dai i thied thaw wei i kwah man Indigenous Tribe kiwi ki jaitbru ha Jaintia Hills

Wyrta Staff by Wyrta Staff
November 22, 2026
Reading Time: 5 mins read
A A
0
Share on FacebookShare on Twitter

Ha ka Motion wa wanrah da u Rikut Parieñ uwa man kam u MDC ka Liang Pyrchah hapoh ka Dorbar Tlang ka JHADC ha ka 20 tarik uni u bnai hajrong ka phang “The Cognizance (validity) of Land Transfer to other Tribes (non-indigenous tribe of Meghalaya) in Jaintia Hills”, neiliang u Rikut deilang kiwi won ki MDC wa kyrchan ya ka Motion yong oo wa kynthup ya u Awhai Andrew Shullai wa u Jamshaphrang Pohtam hawa yatai hajrong kani ka mat da kyntu ki ya ka EC yong ka JHADC wow chna ya ki aiñ neibynta u kdoh u khoom heiyatoh i yadai yathied thaw hapoh Ri-loom Jaintia, neibhah wa kani daw ktah ko ya ki pateiñ wow wan.

Weiwa ka EC leh toh u chimkhia ko hei wow pynbha pynkhlan ya ki kyndon ka Council yow yada ya ki jaitbru tre ri ka Jaiñtia Hills namo ki Indigenous Tribe.

Heiyatoh wa i thmu dai ya ki thaw næ e wai, neiliang u Andrew ong u emkaam wow em da i bor wa kyrpang neiliang ka Council khnang wa chwa u e yei mynjur leh yow em i paitbniah chwa ko, wei yow ye u ksoh yei khyndaw u chyiap, neibhah chisien wa da e wai ym ye de u leh iyi iyi hapoh ki snem wa da yakut ki.

U Jamshaphrang ong u wa man i maa hajrong i laitlan ware i yadai yathied ya ki thaw lada toh para i næ khamtam wa kiwi won ki bor hei dur ki Company næ hei pyrtuid i roi i paar, kamtæ da toh i por u em da u pood ha i yadai yathied khamtam ki thaw yong ki dorbar chnong, ki Raij, ki Elaka ya poi i por wa para i leh ym yoh thaw de wa da lai lut cha kiwa na baar.

Neiliang u CEM, u Thombor Shiwat hawa pynche ong u katkam ka Regulation 1968 yong ka JHADC da tipmit du yei mantre yei thaw da ki Indigenous Tribal wei wow Transfer leh yei thaw cha ki Indigenous Tribal hi.

Wei ha kani ka aiñ lada pait katkam ka Para 3(1)A yong ka Sixth Schedule ka Constitution ka ri india ye leh u Transfer yei thaw da kiwi won ki rukom kam cha ki Society, ki Government Land wa kiwi deiwa bood leh ya ki kyndon.

Wei hadooh katni ong u da pynkrehkaam katkam i man i long kani ka aiñ.

Related posts

Sangeh u Swae Lee u rwai hadien wa chah kynjrait dei Beer ha ka Cherry Blossom Festival

November 22, 2026

Hajrong tympha rah u Yogi yei metyap ka bei u hawa lai pyndep ya ka niam

November 21, 2026

U CEM khana u wa em kiwi won ki jaitbru wa kwah u yoh yei man Indigenous Tribe deiwa kam wa ki toh kiwa da chong slem bha hapoh Ri-loom Jaiñtia kam kiwa sah ha ka thaiñ Saipung Khadum, tangwa katkam i bor yong ka aiñ ong u ya kini ym pu ye u tipmit neibhah wa dang em i hapoh i pait bniah.

Kamtæ neidaw wa kani ka Regulation ka JHADC ym em batai che ko heiyatoh i man tre ri næ Indigenous Tribe, u Rikut Parieñ ong u wa  lada kiwi won ki jaitbru u yoh ki wow kam yei man Indigenous Tribe daw man i maa ya ki thaw ki bhaw, i khyndaw u chyiap hapoh Ri-loom Jaiñtia yong i, wei ymtip iyi wow jia ha ka mynried neibhah kini ki jaitbru toh kiwa wan na kylleiñ kylleiñ.

Kyrpaad u ya ka EC wow chimkhia ko neibhah kani toh ka mat wa emkaam tam kawa emyatoh leh wa i yap i im ka jaitbru.

Kamtæ neiliang u CEM leh da kular u wow chna ya ka Committee ka wow pait bniah wow pynkhlan chooh chooh ya ki kyndon krehkaam namo ki Rules wa da em chwa.

ShareTweetSendShare
Previous Post

Sangeh u Swae Lee u rwai hadien wa chah kynjrait dei Beer ha ka Cherry Blossom Festival

Next Post

Khlaad noh ka Kong Niam Pliedien Timung

Related Posts

News

Sangeh u Swae Lee u rwai hadien wa chah kynjrait dei Beer ha ka Cherry Blossom Festival

November 22, 2026
News

Hajrong tympha rah u Yogi yei metyap ka bei u hawa lai pyndep ya ka niam

November 21, 2026
News

Hær ka khlieñ Amur Falcon na Manipur cha Somalia ha ki 101 kynta khlem chong-ngiah

November 21, 2026
News

Mih pyrtuid ki ar ngut ha ka Electoral Roll ka Bihar wa Meghalaya | Dawa takit ka NGCO

November 21, 2026
Next Post

Khlaad noh ka Kong Niam Pliedien Timung

Discussion about this post

Wyrta

© 2026 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2026 WYRTA Khubor Hei Ktien Pnar