Kyntait ka HYC wa em kiwa mih na ka yow sdang ya ka seiñ thymme wa tip kam ka HYLC

U President ka HYC-CEC, u Roy Kupar Synrem da pynche u yei em kiwa pynpoor khubor lyngba ki rynsan Social Media yei mih ka seiñ wa thymme kawa da e pyrtuid ka “Hynñiewtrep Youth Liberation Council (HYLC)” kawa da kam leh wa ka toh ka seiñ wa mih na ka HYC ya kawa da soi da u Donbor Rangkynsai Kharmyndai kam u President.

Neiliang ka HYC-CEC da pynsñiaw ko wym tip ko iyi iyi chaphang kani ka seiñ HYLC wa i thmu yong ka wei kani toh ka buit yong kiwon kiwon wow chim kabu yei pyrtuid ka HYC kawa da yoh i chaniah na ki para ri ha kini ki 10 tylli ki snem hei chakri i yong ka ya ka jaitbru lyngba ki mat ki jura wa ki kaam.

Kamtæ da kyntu ya waroh ki para ri wym toh u ya sñiawthooh bakla wa kani seiñ toh kawa mih na ka HYC næ ki dkhot ko neibhah wym tip wei wym tipmit hi ki leh ya utæ u bru uwa soi pyrtuid kam u President yong katæ HYLC næ ya kiwon kiwon leh kiwa man ki dkhot katai ka seiñ.

Neiliang ka HYC dang thooh ko leh ya utæ u bru uwa da pynpoor ya katai ka khubor yow tip rap bniah yei thmu yong oo wa ki bru u wow chim kabu yei pyrtuid ka HYC.

Related posts

Booh mooyurim u VP ka yingkieñ wa pynyabi ya ka East Khasi wa West Jaiñtia | Ki kreh wa chongdor palat Rs. 1000 klur deilang

September 8, 2026

Ym em silet wei ym paan maap, ong uwa pynyap ya ka kurim | Maham u leh wow pynyap sa ya uwi u bru

September 8, 2026