Kyntait ka Mookhep wa ka Thlukure Wahtongtiang em ko hapoh ka Wapungskur

Ynnin katkam ka khubor wa pynmih u Waheh Chnong ka Wapungskur lyngba u Wyrta da pynsñiaw u wa thaw kawa pyrtuid “Thlukure Wahtongtiang” toh ka thaw wa em hapoh u pood u ang yong ka chnong Wapungskur, East Jaiñtia Hills.

Neiliang ka chnong Mookhep chem ko wa katu ka thaw em ko hapoh u pood u ang yong ka chnong Mookhep katkam ki kot ki sla (Document) kiwa em ha ki.

Da ong leh wa ki dkhot Executive Committee ka Mookhep ha ki snem wa dadep da yachem ki wa kattu katni ngut ki bru yong ka Wapungskur chirup wa u Waheh Chnong warim yong ka khnang wow yoh u sylli ya u pood u ang tangwa dang sahteiñ i hadooh katni wei dang kynrum kynram sa chiteiñ u pood.

Related posts

Khang ka Tamil Nadu wow rah Mobile chapoh Mandir neidaw wa joor i chna Reel wei chondur  

September 1, 2026

Rai ki muktiar ka Meghalaya wow sangeh u lai kreh cha ki yung bichaar

August 31, 2026

Kamtæ neiliang ka chnong Mookhep kwah ko u yaklam yasuk neibynta kani ka thaw khnang wow yoh u lait na iwon iwon ki jia wa sñiawsih kamjooh i awri awra hadien habood.

Neiliang ka Dorbar Chnong Mookhep da maham ko u lai cha ki bor ka aiñ neibynta wow pynbait noh ya u pood u ang yong ka chnong.