U Montri wa pait ya ka chnat Puræ Puthi ka jylla, u Rakkam A Sangma da ong u wa lada em ki wym kwah wow pynemkam ya ki kot yarap ‘CM Impact Guidebook’ ye ki wow lai noh noh ki wei wow thang noh ki, neibhah wym toh iwa kongsan, tangwa neibynta kitu kiwa kwah wow pynemkaam wei sñiaw ki wa em i yoh nong, ye ki wow pynemkaam.
Ini i klam u Rakkam toh hawa kylli yei dawa yong ka Voice of the People Party (VPP) wa toh u pyndooh pyndam noh ya kini ki kot yarap wa da pynlait da u Montri Rangbah.
“Nga leh yahaap O yei yi wa ong ka VPP. Lada em ki wym kwah wow pynemkaam ya ka kot yarap ye ki wow lai noh ki neibhah ymtoh iwa kongsan. Ye phi wow thang ya ka, wei ye phi wow lai noh cha ka nan Umiam næ cheiwon cheiwon, tangwa kitu kiwa sñiaw yoh myntoi ye ki wow pynemkaam”, da ong u Montri hawa klam wa ki laad pathai khubor.
Da ong u wa ka sorkar da pynman ko ya ka Exam SSLC deiwa e ya ka kot yarap, wei ym mut wow pyn Pass yabor ya ki khynnah, tangwa ka kot yarap wow e yumut e buit ya ki khynnah kammon wow pynkhreh ya ka Exam.
Discussion about this post