Ym em kyndon wow thung da 80:20 ya kiwa yaleh kreh Nurse: Pynche u Director ka NEIGRIHMS

Hadien wa lai khang ki dkhot ka HYC ya ka yung krehkaam ka NEIGRIHMS ini wa dep wei da lai pyntip sa ka KSU cha u MP ka Shillong yei kynrum kynram heiyatoh wa i thung kreh ha kani ka thaw sumaar, neiliang u Director yong ka, u Prof. (Dr.) Nalin Mehta da pynche u wa da bood thij ya ki kyndon wa da booh da ka Department of Personnel and Training (DoPT).

Da pynche leh wa hawa booh Advertisement da kdaw che toh neibynta ki kreh warim kiwa dang sah ‘Backlog Vacancies’ wei ymtoh neibynta ki kreh wa man thymme namo ka Fresh Recruitment, wei i daw wa sah toh em ki wym em wan chim yei kreh, em kiwa da ieh yei kreh wei em won ym yoh da ki bru wa biang ha kiwa boon ki jait kreh.

“Waroh i thung kreh ha NEIGRIHMS toh iwa da leh bniah thij-pa-thij deiwa bood leh ya ka Model Roster wa Regional Roster katkam ki kyndon wa da booh da ka DoPT deiwa pynhun ya ki Reservation Policy neibynta ki SC, ST, OBC, EWS wa ki PwBDs,” da ong u Director.

Heiyatoh won wa ki tre chnong kiwa man kam ki jaitbru ri-loom, da ong u wa da booh Advertisement ha kiwa boon ki kot khubor deilang ha kiwi de katkam ki kyndon wei da booh leh ha ka Website ka NEIGRIHMS yow pyntikna wa ki tre chnong tip ki yeini.

Related posts

Da chem ya uwa wiar na chnong Sohmynting ha East Jaiñtia Hills

June 15, 2025

Rs. 640 klur i dooh nong ka sorkar nei wym em wa ksoh ya ki Truck wa kit palatpood, pynbaad kiwa yaleh PIL

June 15, 2025

Heiyatoh won i dawa wa 80:20 neibynta ki kynthai wa chynrang kiwa yalehkreh kam ki Nursing Officer, da pynche wym em kam kani ka kyndon wa krehkaam kattæ hapoh ka Recruitment Rules wow booh bhah 80% ya ki kynthai wa 20% ya ki chynrang. Wei neiliang ka NEIGRIHMS da thoh ko cha ka Ministry of Health and Family Welfare ka sorkar India yow booh ya kani ka kydon nadooh u July 2024, tangwa ka Ministry ha u August 2024 da ong wym toh wow booh kam kani ka yabhah kreh neibynta ki chynrang wa kynthai. Hanla kattæ leh ha kini ki sngi wa dep da thoh biang cha ka Ministry yow e bor ko wow leh yeini.

Hajrong i dawa wow booh Examination Centre yow leh ya ki Computer-Based Tests (CBT) wa daw pynman da ka HLL Life Care Limited, kawa man kam ka PSU ka sorkar pyrdi, da pyntip wa da phah ya kani wow thap katwa ye kiwa na Meghalaya ha ki Exam Centre ka Meghalaya. Wei ya ki wym chniam de daw hap ki wow lai cha Guwahati, Assam.

Chooh chooh da ong wa ha kani ka Exam wa kattæ daw pynman da ka NEIGRIHMS hi lyngba ka HLL Life Care Limited wei ymtoh de na ka NORCET kamwa da leh nachwa.