I kaam luti rel da kut i hadien wa pynuiñ noh ya ka Rs. 200 klur

U heh ka NPP Meghalaya uwa man leh u MP ka Rajya Sabha, u Dr WR Kharlukhi da ong u wa i kaam wow wanrah luti rel da sahkut i nadooh wa ka sorkar jylla da pynuiñ noh ko ya ka Rs. 200 klur wa da mang da ka sorkar pyrdi wow thied thaw neibynta wow chna luti rel ha ka jylla.

Yeini da ong u hajrong i chah pynbaad i rai ka sorkar wow chna ya ka All Party Committee ka wow chong bichaar ya ki kaam luti rel ha Ri-loom Khasi wa Jaiñtia.

Katkam wa ong u MP, kani ka yalang ka All Party Committee boi ye ko u man neibynta wow wanrah luti rel hadien habood.

Hajrong i rai ka VPP wow dam u chimbynta ha kani ka Committee, u Dr Kharlukhi da ong u wa ka sorkar emkaam ko ya ka Liang Pyrchah kawa tei, deiwa pynrap wa i wym kwah ka VPP u em ha kani ka Committee ye u man iwa tei næ pynpra.