Ka yalehke ynne ka sngi da man ko kawa yathaaiñ bha hapyrdi ka Phramer C.C.pyrchah ya ka Moodymmai S.C. heiwa ka Phramer CC da jop ko du 6 run donhi.
Ya ka kyllakhlem da jop da ka Moodymmai S.C. wei da kam ko wow bowl chwa. Ka Phramer C.C. hawa lai tied nyngkong da kamai ko 189 run na ki 35 over wei da haap ko 9 wicket. U Ridame Sari da yalehke bha u lyngba ka bat deiwa tied u samen 61 run na ki 67 ball wei da thlieh haroh u ar tylli ki Six (6). U George Ryngkhlem won da tied u 33 run na ki 55 ball deilang wa kawi ka Six (6). U Bichar Lamare uwa kawang ball yong ka Moodymmai S.C. da pynyoo sakhiat u yei sap kawang ball yong oo ynne ka sngi deiwa khyrwit u samen 5 wicket na ki 7 over.
Ka Moodymmai S.C. ha ka pali yong ka wow beh ya ka thong da ye ko wow tied hadooh 183 run na ki 28.4 over wei da haap noh ko waroh 10 ki wicket. U Riboklang Hynniewta da lehke bha u naka Moodymmai S.C. dei wa tied u 69 run na ki 51 ball deilang wa 4 tylli ki Six (6) wa 9 tylli ki Four (4). U kamni Suna yong ka Phramer C.C. da yoh u wow pynhaap 4 wicket samen na ki 5.4 over wei da yoh u wow khur yei naam Man of the Match.
Ka yalehke mynstep ka sngi u man ko hapyrdi ka West Jaiñtia Police C.C. pyrchah ya ka Evergreen S.C. & C.C. heipor 9.00 i step.
Ya ka digital live score yong kani ka League ye phi u pait ha: https://cricheroes.com/tournament/1406553/wjhdca-district-cricket-league-2025
Discussion about this post