Khang u DC yei chim bai psiah ha u sarok wa lai cha Kupli Orchid Resort

U DC ka West Jaiñtia Hills da pynmih hukum u hapoh ka Section 163 ka BNSS hadien wa tip wa ka Dorbar Chnong Priang da khrong bai psiah ko ha u sarok wa lai cha Kupli Orchid Resort kawa man kam ka thaw wa da pynkrehkaam da ka sorkar Meghalaya lyngba ka chnat Tourism.

Katkam ka bui (Report) wa da e da u BDO ka Laskein C&RD Block, da chem wa kiwa boon ki seiñ, ki bru samen, ki tre thaw da pynsñiaw ki wa deiwa em kani ka khyrdop khrong poisa ha u sarok wow lai cha ka Kupli Resort wa kiwi ki thaw wa em chajan, da pyndik bha ko ya kitu kiwa lai lyngba donhi na kani ka thaw yow poi cha ki thaw wa em chajan.

Neiliang u DC da ong u wa ini i khrong bai psiah man ko pyrchah ya ka aiñ wei ye i leh wow wanrah yei yakajia kamjooh iwa daw ktah yei suk i saaiñ.

Kamtæ da pynmih hukum wa da khang yei khrong bai psiah (Entry Fee) iwa man pyrchah ya ka aiñ ha u sarok wa lai cha Kupli Resort wa em ha chnong Priang ka West Jaiñtia Hills District.

Related posts

Ye kiwa chong lieñsuiñ wow ksoh ya u Pilot uwa mut wow pynyap ya waroh | Chah dung u Pilot uwa na India

September 30, 2026

Chah beiñ ka Doctor wa booh ya ki dur ki bru wa sumaar ko ha Social Media

September 30, 2026