Chadooh wa kut ka pyrthai u kdong ya kiwa siat wa kiwa yarap ya ki: Modi

U Montri Rangbahdooh ka ri, u Narendra Modi, ynne da pynsñiaw u yei sñiawsih wa khroo yei chah tynyap ki bru wa lui-lui ha ki damok kieñ suloi ha Pahalgam, Jammu and Kashmir ha ka 22 tarik.

U Modi da kular u wa ka India daw tipmit (Identify), u thooh wei u pynchitom ko ya waroh ki damok kieñsuloi wa kiwa yarap ya ki.

Yeini da ong u ha ka yalang National Panchayati Raj Day ha Madhubani, Bihar, heiwa da klam u dei English wow khana ya ka pyrthai yei raikut ka India wow thooh wei wow pynchitom ya kiwa emkti ha Pahalgam hadooh wa kut.

“Ynne na Bihar, ong O ya ka pyrthai wa ka India u thooh wei u pynchitom ko ya waroh ki damok wa kiwa yarap ya ki. U lai i chadooh wa kut i pyrthai u kdong ki. I mynsien ka India ym ye wow pynlot ki da ki Terrorist, wei ym ieh li ki khlem da pynchitom wei wow pynyoh yei hok kiwa da dooh yei mynsien. Ki kaam damok ki leh ymlai ki khlem chah pynchitom,” da pynbna u Modi.

Related posts

Kitbok ka NPYF – WJH ya u Chairman wa thymme ka MPSC

April 23, 2025

Pyrchah ka ASPF yei thung ya u Dawhoi Langstang kam u Chairman ka MPSC

April 23, 2025