Ka Mupliang SC da jop ko ya ka West Jaiñtia Police CC da 8 Wicket ha ka yalehke ynne yong ka District Cricket League 2025 wa pynlai da ka West Jaiñtia Hills District Cricket Association.
Ka yalehke ynne da man ko kawa jem chiliang heiwa ya ka kylla-khlem da jop da ka Mupliang SC wei da jied ko wow kawang bol chwa wei ka West Jaiñtia Police CC da kamai ko 104/10 ha ka 25.2 Over. U Devention Lyngdoh da man u du oo donhi uwa rap neh slem napyrdi kiwa Bat ka West Jaiñtia Police deiwa kamai 30 Run na ki 56 bol deilang wa 4 tylli ki 4 Run. Na kiwa kawang bol ka Mupliang, u Defender Dhar da yoh u wow pynhaap 4 tylli ki Wicket na ki 6.2 Over.
Ka Mupliang hawa kdong ya ka thong da ye ko u pynjop deiwa yoh 109 Run du ha ka 17.3 Over wei da dooh ko du 2 Wicket donhi deiwa kamai u Mewan Phawa 28 Run na ki 41 bol, u Byforcestar Dhar 26 Run na ki 13 bol, u Sandy Kharshandi 21 Run (khlem haap) na ki 16 bol, u Oniwaker Sna won da dat u 19 Run (khlem haap) na ki 35 bol. Na kiwa kawang bol ka West Jaiñtia Police, u Devention Lyngdoh wa u Monjur da yoh ki u pynhaap mar chi Wicket samen.
U Defender Dhar, Captain yong ka Mupliang SC uwa da yalehkebha ynne ka sngi da ka bol da yoh u yei naam Man of the Match.
Ka yalehke mynstep ka sngi toh hapyrdi ka Young Lad’s CC pyrchah ya ka Evergreen Mukhla Mission heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1406553/wjhdca-district-cricket-league-2025
Discussion about this post