Ki Border Security Force (BSF) ka Meghalaya Frontier da pyntip ki wa dapoi ki cha u moomær wa emkaam ha kini ki soo bnai hawa yada ya u pood Indo-Bangladesh na kitu kiwa leh ya ki kaam wa man pyrchah aiñ.
Da pyntip wa ha ki soo bnai uni u snem da yoh wow kem ya 78 ngut ki Bangladeshi wa 37 ngut ki nong India kiwa da emkti wow khayi tooh hadooh wow psiah tooh hanla ki BSF da chem chitom ki boonjait wow leh yei kaam yong ki tangwa kattæ leh da ye wow tyngkheiñ ya ki buit ki budia wa pynemkaam kini kiwa leh kaam pyrchah aiñ deiwa yarap leh ki pulit.
Ha kini ki soo bnai da yoh wow kem boon ki mar ki mata deilang wa 750 tylli ki masi wa da chongdor Rs. 11.70 klur deilang ki drugs nadooh ki Yaba Tablet, u bhang, i kiad, ki dawai biah khmat, ki riam ki bait wa kiwi de ki mar wa da thmu wow pynpoi cha Bangladesh.
Najrong wa yada pood, ki BSF Meghalaya da lai yarap ki ya ki bru wa chem chitom hei chait i khiah nadooh wow kit ki cha thaw sumaar, da pynman leh 23 tylli ki Blood Donation Camps, 22 tylli ki Civic Action Programs, ki Free Health Check Up ha ki chnong ki thaw wa em cha kdong cha chmiang.
Ini wa dep da pynman leh yei yachem wa ki Border Guards Bangladesh (BGB) yow pyntikna wa em i krehlang wa i chaniah yow yaleh pyrchah ya kini kiwa leh ya ki kaam pyrchah aiñ.
Discussion about this post