Ka SCA ‘B’ da jop ko ya ka EKHCA da 9 Wicket ha ka Semi Final wa da pynman ha Mukhla ynne ka sngi yong ka Under-16 Boys Inter District Cricket Tournament 2025 yow yoh u psiah Final.
Ya ka kylla-khlem da jop da ka EKHCA kawa da rai wow Bat chwa wei da ye ko wow kamai du 80 Run deiwa haap lut waroh ki Wicket na ki 22.5 Over. Uwa boon dooh wa yoh Run toh u Guiding Sohkhlet uwa da dat 29 Run na ki 32 bol wa kynthup ya 7 tylli ki 4 Run. Na kiwa kawang bol ka SCA ‘B’ da lehbha u Navneet Sah wa u Ynsanhame Tang kiwa yoh u pynhaap mar 4 Wicket samen.
Ka SCA ‘B’ hawa kdong ya ka toh da yoh ko yei jop ha ka Over wa 14.3 Over deiwa yoh 86/1. U Suraj Chettri sa chisien da pynyoo u yei sap yalehke yong oo deiwa kamai 57 Run (Not Out) na ki 46 bol deiwa yoh leh kawi ka 6 Run wa 8 tylli ki 4 Run. U Prasant Kumar won da yoh u 17 Run (Not Out) na ki 21 bol. Na kiwa kawang bol ka EKHCA, u Pynkhraw Jomati da yoh u wow pynhaap chi Wicket na ki 2.3 Over.
Ya kawi won ka yalehke Semi Final wa da pynman ynne ka sngi ha Mendipathar, ka TDCA da jop ko ya ka RBDCA da 20 Run.
Ka yalehke Final Match u man ko ha ka 07-05-25 ha madan Thad Mukhla heipor 8:30 i step hapyrdi ka SCA ‘B’ pyrchah ya ka TDCA.
Ya ka Digital Live Score yong kani ka Final ye phi u pait heini https://cricheroes.com/tournament/1430009/mca-under-16-boys-inter-district-tournament-2025/
Discussion about this post