Ka Evergreen SC&CC da jop ko ya ka Khimusniang SC da 63 Runs ha ka yalehke ynne ka sngi yong ka District Cricket League 2025 wa pynlai da ka West Jaiñtia Hills District Cricket Association.
Ya ka kylla khlem da jop da ka Evergreen kawa da jied wow Bat nyngkong heiwa da kamai ko 184/6 na ki 20 Over. U Dinando Tariang da kamai u 51 Run (Not Out) na ki 25 bol deiwa dat leh ar tylli ki 6 Run wa 8 tylli ki 4 Run. U Sainborlang Gadew won da dat u 33 Run (Not Out) na ki 23 bol deilang ar tylli ki 6 Run wa 3 tylli ki 4 Run. U Lumporlang Passah (C) wa u Kenitestar Bareh kiwa kawang bol yong ka Khimusniang da yoh ki u pynhaap mar 2 Wicket samen na ki 4 Over.
Ka Khimusniang hawa Bat ym em poi thong ko deiwa kamai du 121/8 na ki 20 Over. Napyrdi kiwa Bat, du u Yoohimitre Patwet uwa lehbha deiwa kamai 42 Run na ki 20 bol deilang ar tylli ki 6 Run wa 6 tylli ki 4 Run.
U Dinando Tariang uwa yalehke ka Evergreen uwa da lehbha da ka Bat wa ka bol deiwa pynhaap 4 Wicket na ki 4 Over da yoh u yei naam Man of the Match.
Ka yalehke mynstep toh hapyrdi ka Khliehtyrshi SC pyrchah ya ka Mowkaiaw CYC heipor 8:30 i step.
Ya ka Digital Live Score yong kani ka League ye phi u peit ha https://cricheroes.com/tournament/1406553/wjhdca-district-cricket-league-2025
Discussion about this post