Ka Meghalaya da pyndep ko ya yalehke ka Group A ka Swami Vivekananda U-20 Men’s National Football Championship 2025 deiwa jop suk da 7-0 ya ka Bihar ha Narainpur, Chhattisgarh ynnin ka sngi.
Ka Meghalaya toh kawa da yoh chwa u psiah Quarter Final hadien wa jop chwa ya ki ar tylli ki yalehke kitæ pyrchah ya ka Kerala wa Rajasthan.
U Bobby L Nongbet kam u Coach ha ka yalehke pyrchah ya ka Bihar da pynkylla u du uwi uwa yalehke deiwa wanrah da u Franky Dkhar heithaw u Banlamkupar Rynjah hawa sdang ka yalehke.
U Ricky Kharkongor (4′), u RT Hanson Pdang (9′), u Riborlang L Lyngkhoi (13′) wa u Franky (17′) da thap ki soo tylli ki kool hapoh 20 minit.
Ha ka kylla miet won ka Meghalaya da thap ko sa le kool lyngba u Riborlang (48′) u Rimankhraw Kharumnuid (78’P) wa u Pyrkhatshaphrang Sumer (90’+3).
Ka Meghalaya kattu daw yachem ko wa ka Karnataka ha kani ka 9 tarik kam chibynta ka Quarter Final.
Kam wow pynkynmoo wa ynnin u snem ka Meghalaya ym em yoh ko wow poi cha ka Quarter Final.
Discussion about this post