Ka India ynne i synyaaw da sdang ko ya ka ‘OPERATION SINDOOR’, deiwa siat ya ki thaw wa em ha Pakistan kamjooh ki thaw wa da kam ka Pakistan kiwa em ha Jammu and Kashmir kiwa man ki thaw wa ki Terrorist da sooh buit ki wow leh ki kaam wa man pyrchah ya ka India.
Kamwa man kattæ nadooh u Montri ka sorkar pyrdi u Kiren Rijiju da pynypoor u ya iwi i Video wa pdung wa siat ka India.
Katkam ka khubor wa da yoh, da jied wow siat ya 9 tylli ki thaw kiwa kynthup ya ka Bahawalpur, Kotli wa Muzaffarabad.
Da ong wa ini wa da leh ymtoh wow pynchit næ pynjoor yei kynaad neibhah wym em siat ya kiwon kiwon ki thaw wa man ki thaw chipai ka Pakistani wei da jied donhi ki thaw wa em kini ki Terrorist.
Ini iwa jubab ka India toh hadien iwa jia ha Pahalgam heiwa da em 25 ngut ki India wa uwi u Nepali kiwa da chah siat yap. Da ong leh wa ini da leh kam chibynta wow pynyoo yei chimkhia wow pynchitom ya kitu kiwa emkti.
Da pyntip leh wa yeini waroh daw pynbna deiwa bniah myntu hi ka sngi wa iyi mut kani ka ‘OPERATION SINDOOR’.
Ka Pakistan da ong ko wa yeini da siat napoh ki thaw ka India khlem da psiah chapoh Pakistan wei ka leh daw e ko yei jubab wei i lehkmen ka India kattæ daw kylla i chei yaam.
Discussion about this post