Ka KSU West Jaiñtia Hills District Unit da lai ko wow kynreh ya ki baar jylla kiwa wan sah wei booh dukan pyrchah ya ka aiñ ha ki yaaw ki haat wa em ha Jowai wei ha ini i lai kynreh da em boon ki dukan kiwa da khang chwa mar ya tip ki yeiwa wan ka seiñ.
Tangwa kattæ leh da yoh u psiah ha ki dukan wa dang wai wei da chem wa em kiwa boon ki wym em ki kot ki sla wa biang wot ka EPIC Card leh lait noh ka NOC wa da e da ka dorbar chnong, kamtæ da phah liwan noh ya ki.
Manda poi ha iwi i dukan hawa pait ya ki kot ki sla u baar jylla wa da kut por wei ym em u leh ya ka Police Verification, heini i por dapoi uwi u dkhot ka seiñ JNC uwa da wan wow kamtre ya kani ka dukan deiwa ong wa booh teiñ u wow pynthymme ya kini ki kot ki sla wei ya uni u dkhar ha kani ka dukan toh uwa da tipmit u da kiwa boon snem wei ymtoh wa yada u oo.
Ini da pynsñiawsih ko ya ki dkhot ka KSU-WJHDU wa pyn da kiwa yahkhmat seiñbhalang kiwa wan wow kamtre yei dukan ki baar jylla khlem da tip tikna wa lada kini toh næ ym toh kiwa chong chnong ka India.
Discussion about this post