Pynemkaam ka Pakistan da ki Missile wa ki Drone yow siat ya ki 15 tylli ki chnong ha India, tangwa…

Ka Ministry of Defence da pyntip ko wa kam chibynta ka Operation SINDOOR, ka India da klam che ko wa i dat Bomb ka India ymtoh i wow pynheh ya ka thma deiwa kdaw wa wym em u dat ko ya ki thaw chipai ka Pakistan wei lada jia wa pynuiñ ko u siat, ka India leh ym yohsa ko wow jubab deiwa khor.

Tangwa hei miet ka 7 tarik hadooh wa kylla tarik, ka Pakistan da sdang ko wow siat ya ki thaw chipai ka India wa em ha 15 tylli ki chnong kitæ ha Awantipura, Srinagar, Jammu, Pathankot, Amritsar, Kapurthala, Jalandhar, Ludhiana, Adampur, Bhatinda, Chandigarh, Nal, Phalodi, Uttarlai wa Bhuj deiwa pynemkaam da ki Drone wa ki Missile. Ya kini da ye wow siat ki chwa wow ye u ki u leh iyi iyi deiwa pynemkaam da ka Integrated Counter UAS Grid wa ki Air Defence Systems ka India.

Ya iwa dang sah kini wa chah siat da lai pynlang ki kam chibynta wow man kam ki sabut wa siat hi ka Pakistan.

Kamtæ ynne i step, ki chipai ka India da pynemkaam ki da ki Drone yow lai siat ya ki Air Defence Radar & Systems ha kiwa boon ki thaw ka Pakistan wei yeini da jubab da iwa yaryngkat i wa i bor wa pynemkaam ka Pakistan.

Related posts

Da jied ya u Robert Francis Prevost kam u Pope wa thymme

May 8, 2025

Pynkhreh ka sorkar wym duna baam ha Meghalaya lada toh joor ka thma

May 8, 2025

Ki chipai ka India da pyntikna ki wa ynne da ye u siat tympdung ko ya ki Air Defence System ha sorbah Lahore ka Pakistan.

Da ong leh wa ka Pakistan da pynjoor ko wow siat khlem daw cheiliang u Line of Control deiwa pynemkaam ya ki Mortar wa ki tup namo Artillery kam ha Kupwara, Baramulla, Uri, Poonch, Mendhar wa Rajouri ka Jammu and Kashmir.

Ha ini i siat ka Pakistan da em 16 ngut wa yap wa kynthup ya 3 ngut ki kynthai wa 5 ngut ki khynnah. Heiyatoh wa ini, ka India da jubab ko ynne deiwa siat da ki Mortar cha Pakistan khnang yow sangeh ko.

Ka India da ban joor ko wym em kwah ko wow pynheh ya ka thma lada ki chipai ka Pakistan tip ki u burom yeini.