Kiwa yalehke ka Meghalaya da yoh ki wow booh yei thaw ki ha ka Semi Final ka Swami Vivekananda U-20 Men’s National Football Championship 2025 hadien wa jop ki ya ka Karnataka da 1-0 ha Narainpur, Chhattisgarh ynne ka sngi.
Ya ka kool wa pynjop da thap da u Ricky Kharkongor ha ka minit wa 4 heiwa ka Karnataka da yaleh ko katwa ye yow su kylliang tangwa ym ye de ko.
U Coach ka jylla, u Bobby L Nongbet da pynyklla u du uwi donhi uwa yalehke deiwa wanrah da u Banlamkupar Rynjah heithaw u Nickyboy Swer.
Ka Meghalaya da yoh ko wow psiah Quarter Final deiwa jop ya waroh le tylli ki yalehke ka Group A.
© 2026 WYRTA Khubor Hei Ktien Pnar
Discussion about this post