Ynne i miet ki heh chipai (Director General Military Operations) kiwa kynthup ya ki heh na ka Indian Army, Air Force wa Navy da klam ki cha kiwa pathai khubor heiyatoh wa ka Operation Sindoor.
Neiliang u Air Marshal, AK Bharti da pyntikna u wa waroh ki chipai ka Air Force da poi yung ki deiwa suk hadien wa siat Bomb ya ki thaw rieh ki Terrorist wa ki chipai ka Pakistan.
Da pyntikna u leh wa katkam ka thong ka Operation Sindoor nyngkong da siat du ha ki thaw rieh ki Terrorist tangwa neidaw wa siat kylla ki chipai Pakistan cha India, ka Indian Air Force leh da siat noh ko ya ki thaw chipai kam ki Airbase ka Pakistan, heiwa hadooh ynnin da siat ya ki 12 tylli kam kini ki thaw.
Da pynrap u leh wa ka Air Force da siat wei pynhaap ki leh ya ki Bomb wa ki Drone wa siat ka Pakistan cha India wei em leh kiwa da haap ha India tangwa ym em ye ki u ktah joor ha ki thaw wa haap ki.
Chooh chooh da ong u wa ka Indian Air Force da pynemkaam ko ya ki Air Defence System kam ki Pochera Air Defence System wa ki SAMAR Air Defence System wa kiwi wow siat pynhaap ya ki Bomb, ki Drone wa ki Jet ka Pakistan.
Discussion about this post