U Symbood Montri Rangbah ka jylla, u Sniawbhalang Dhar da kyntait lut u ya iwa da chah pynbaad u ha ka Hynniewtrep National Liberation Council (HNLC) deiwa ong wa toh iwa thok suda wa oo jooh kyrchaan poisa u ya kani ka seiñ kieñ suloi.
U Sniawbhalang da ong u wa ini wa ong ka HNLC yoo lakam wa leh Politics donhi wei kamwa da yoo yeiwa ong kiwi kiwa yahkhmat ki seiñ saiñhima da yoo lakam da ya sooh buit ki yow pynbood naam yei pyrtuid u.
Da ong u leh wa kat dang pyrchang ki bru wow pynbaad da iwa sih ya oo, kat dang pteiñ u Blai wow kyrkhoo chooh chooh ya oo kamjooh ya ka Party u wa ya ka sorkar.
Heiyatoh wa lada pdiang u wow pynman ya ka takit, da ong u wa hap wow kynmoo wa ini i pynbaad wan ko na ka seiñ kawa chah khang (Banned) da ka sorkar wei lada takit daw man ko kam wow wai laad ya kam kini ki kaam neibhah lada hap takit ya iwi pa iwi wa pynbaad da kam kini ki seiñ daw lut i por ka sorkar du heini donhi.
Da ong u leh wa i dawa hiar chuki u da kiwa em ha ka liang pyrchah toh iwa jooh leh hi ki.
Kamtæ da ong u wym em sñiaw chah ktah u da ini i chah pynbaad wa khlem yurim neibhah oo toh uwa chakri ya ki paidbah ymtoh ya ki Terrorist. Da ong u leh wa da man u kam u MLA la 17 snem dei maya u ya ki bru yong oo, wei u kreh chitom chooh chooh u neibynta i bha i miat ka jylla.
Hawa kylli lada daw yaleh u da ka mukotduma ya kini kiwa pynbaad ya oo, da ong u wa ym tip u kiyi kiwa emkti ha ini wei ye u wow e da ka FIR.
Discussion about this post