Pynbaad ka KSU Lapangap Unit wa da pynemkaam bakla ya u symbe kba wa toh u yoh na ka sorkar

Ka KSU Lapangap Unit da pynsñiaw ko yei sñiawkhia hajrong i wym yoh ryntih ki warep ya u symbe kba na ka chnat i rep i riang wei hawa thooh bniah heiyatoh wa u symbe kba Arize Hybrid Rice Seed wa man u symbe wa toh u saam, da chem wa da pynemkaam bakla oo heithaw wow saam ya uni u symbe cha ki warep.

Ini da pynchrai ko ya ka seiñ hawa chem yeini wa leh khalær kani ka chnat kiwa da ong wym em symbe kba de tangwa da kylli won kammon wa uni u symbe ye wow yoh na dukan ha i dor wa syad wei ini da pynyoo che ko wym em hi i thmu wow saam ya u kba tangwa du wow pynbiang ki kot ki sla yow yoh pynyoo wa ki warep da yoh ki ya uni u symbe.

Ka seiñ da suba joor ko wa uni u symbe da liat u cheiwon ræ cheiwon neibhah kammon u lut uni u symbe hawa cha ki dukan won em hi u neibhah wa ya uni u symbe da toh hok wow yoh kam ka Subsidy na ka sorkar.

Related posts

Thoh kiwa chet-ja skur ka Meghalaya cha u CM ka Assam yow yarap yaklam wa u Modi

November 8, 2026

39 tylli ki jait yalehke tyrwa ka Meghalaya wow pynman ha ka 39th National Games 2027

November 8, 2026

Kamtæ ka seiñ da kwah ko wow yoh yei pynche na ka chnat lym kamtæ daw hap lai da kawi won ka luti.