U Montri Rangbah ka Meghalaya, u Conrad K Sangma ynne da pynbna u wa ka Shillong Government College of Engineering da yoh ko ya ka chithi wa e bor na ka All India Council for Technical Education (AICTE) yow sdang noh ya ka Civil Engineering wa Electrical Engineering Course ha kani ka College.
Da ini da man kani ka Engineering College wa nyngkong wa pura yong ka sorkar hapoh ka jylla.
Kam wow pynkynmoo wa ya kani ka College da wai ka ha u snem 2023 wei da emkaam wow thung 55 ngut kiwa kreh nadooh kiwa sikai wa kiwi de yow ye u pynkrehkaam ka.
Tangwa neidaw wym pu em yoh yei mynjur na ka AICTE ym pu ye u thung ya kini kiwa kreh heiwa ka AICTE da booh ko leh ki kyndon wa hap wow pynhun.
Kani ka College toh kawa da chna hapoh ka Rashtriya Uchchatar Shiksha Abhiyan (RUSA) ha i dor wa Rs. 26 klur wei em ko ha i thaw wa heh 7.8 Acre hapoh ka jooh ka thaw namo ka Campus ka Shillong Polytechnic (16.11 Acre) ha Mawlai Kynton Massar, East Khasi Hills District.
Discussion about this post