Da ki spah ngut kiwa uiñke suwari ka India da pyndam ki yei thmu wow lai cha ka ri Turkey wa Azerbaijan neidaw wa kini ki ri da kyrchaan ki ya ka Pakistan hadien iwa jia ha Pahalgam, Kashmir.
Ki Online Booking Platform kam ka MakeMyTrip wa EaseMyTrip da pyntip ki wa ki bru da pyndam (Cancel) ki u lai cha Turkey wa Azerbaijan khamtam hawa pynyoo ki yei pyrchah India heipor wa leh ya ka Operation Sindoor.
Du ha ka tayaaw wa dep da hiar da 60% neiwa jooh kiwa lai cha Azerbaijan wa Turkey wei kiwa da Cancel da ku da ka 250% ha ini i jooh i por, da pyntip ka MakeMyTrip.
Hanla ym em khang yow chim lieñsuiñ yow lai cha Turkey wa Azerbaijan ha ka Website ka MakeMyTrip tangwa da ong ko wa yieñ ko chirup wa ka ri wei lada toh iwa ye u dam lymtoh iwa emkaam wow lai cha kini ki ri wei da pyndam leh ya kiwon kiwon ki Promotion wa Offer, da ong ka MakeMyTrip.
Ka EaseMyTrip da pyntip ko leh wa da em 22% kiwa da pyndam yei lai cha Turkey wa palat 30% kiwa da pyndam yei lai cha Azerbaijan.
Tangwa u tre ka EaseMyTrip, u Nishant Pitti da kyntu u ya ki paidbah wym toh u lai cha Turkey wa Azerbaijan neidaw wa kyrchaan ki ya ka Pakistan heipor ka Operation Sindoor.
Katkam ka yukheiñ na ka Azerbaijan Tourism Board, da em 2,43,589 ngut kiwa na India kiwa dapoi ha u 2024 wei da yooluti wow ku da 11% ha ki 10 snem wow wan.
Ka ri Turkey won da yoh ko 3,30,000 ngut kiwa na India wa wan cha ka ha u snem 2024 iwa da ku na 119,503 ngut ha u 2014 katkam ka yukheiñ ka Ministry of Culture and Tourism ka Turkey.
Da antaad wa ha u 2023 ka Turkey da yoh ko Rs. 3000 klur na kiwa uiñke suwari ka India.
Discussion about this post