Dawa ka FKJGP Jaiñtia Hills wow kær ya ki sarok yow lait nei jia wa sñiawsih

Ynnin ka sngi, ka FKJGP Jaiñtia Hills Zone da lai yachem ko ya u Superintendent Engineer, Public Work Department (Roads), Jowai Circle deiwa e dei thoh wow kyrpaad ya ka chnat wow kær ko da ki Guardrails næ ki Safety Barrier ha waroh ki surok kiwa em hapoh Jaiñtia Hills khamtam ha ki thaw kiwa synrang.

Kam wow pynkynmoo wa ha kini ki tayaaw wa dadep da em kawi ka kari wa da haap cha synrang lyngba u surok Mynsoo-Borato Road wei ki bru wa em ha katai ka kari da chitom joor ki, wei em leh kiwa da doh yei mynsien.

Kamtæ ka seiñ lyngba u Chief Organizing Secretary, u Wompher Wann, u Legal Secretary, u Lidar Paia Dkhar wa u Assistant Cultural Secretary, u Nabait Pyrkhat Ymbon da kyrpaad joor ki ya u sahep wow chimkhia yeini i kaam.

Neiliang u sahep da ong u wa daw phah u yeini iwa da thoh cha waroh ki Executive Engineer wei da kular u leh wow chimkhia yeini i kaam khnang wow lait na iwon iwon i jia wa sñiawsih neini chakhmat.

Related posts

Pyndam ka High Court ya 6 tylli ki Case POCSO pyrchah ya ki chynrang hadien wa booh ki kynthai yei kyrpaad

November 8, 2026

Thoh kiwa chet-ja skur ka Meghalaya cha u CM ka Assam yow yarap yaklam wa u Modi

November 8, 2026