Hakhmat ka High Court pyntip ka sorkar wym em ki kari wa kit palat pood wa yoh u lai ha ki Weighbridge

Ka PIL wa da yaleh da u Tenny Dard M. Marak pyrchah ya ka sorkar Meghalaya heiyatoh wa i pynkrehkaam ya ki Weighbridge da chong bichaar biang ka ynnin da ka High Court ka Meghalaya da u Justice I.P. Mukerji, Chief Justice wa u Justice W. Diengdoh, Judge.

Kani ka mukotduma toh yei wym biang i krehkaam ki 28 tylli ki Weighbridge wa em ha Meghalaya heiwa ki kari wa kit palatpood da chah u lai ki khlem da thaw khia ki deiwa biang heiwa da man ko i dooh nong ya ka jylla.

Ha ka hukum wa da pynmih chwa ka yung bichaar, da phah ya ka sorkar jylla wow pynman da ka takit wa bniah bha deiwa lai pait ya kini ki Weighbridge chirup i emlang uwa yaleh mukotduma.

Related posts

Ku cha 27 ngut kiwa yap ha ka krem mooyong wa pdung Dynamite ha East Jaiñtia Hills

February 7, 2026

Paan ka sorkar pyrdi ya ka Report wa bniah wei phah pynbahkhlieh yeiwa jia ha East Jaiñtia Hills

February 7, 2026

Neiliang u muktiar ka sorkar hawa wanrah ya ka Report ha ka 8 tarik uni u bnai da khana u yeiwa da leh heiwa da lai pait ya 24 tylli ki Weighbridge wei da chem wym em kawi leh kawa chah wow lai ki Truck wa kit palat pood.

Tangwa neiliang u muktiar uwa yaleh mukotduma da artatien u hadooh katwon wa em ha kani ka Report toh iwa sakhiat wei da paan por wow e jubab yeini heiwa da e por hadooh ka 6 tarik u bnai wow wan.