Ka sorkar jylla da pyntip ko wym em ki khynnah na Meghalaya ki wow hap u lai palat ya ka Guwahati yow yaleh ya ka CUET (UG) Exam 2025 wei yeini da pyntikna da u Commissioner and Secretary ka chnat Education, u Vijay Mantri uwa da ong wa waroh kiwa yaleh Exam daw e thaw ya ki ha Shillong, Tura næ Guwahati manda pynman ya ka Exam nadooh ka 19 tarik uni u bnai.
Yei pynkylla yei thaw thoh Exam da pyntip cha kiwa yaleh Exam da ka National Testing Agency (NTA) lyngba ka Email wa SMS.
Ka sorkar jylla da booddien ko yeini i kaam deiwa ya krehlang wa ka NTA kawa pynman ya kani ka Exam yow pynboon ya ki thaw thoh ya kani ka Exam kawa man deiwa pynemkaam da ki Computer.
Da booh leh le tylli ki thaw toh Exam wa thymme wa kynthup ya ka St. Mary’s Higher Secondary School, Shillong College wa ha Shillong ITI. Wei ha kini ki thaw daw booh ya kitu kiwa da booh thaw thoh cha ki thaw wa em cha jngai.
Da em waroh 11,309 ngut ki wow yaleh ya kani ka Exam heiwa 1,376 ngut da booh thaw ki ha ki Centre wa em ha Guwahati katwa kiwa sah won u em ki ha ki Centre wa em ha Meghalaya.
Discussion about this post