Nei ya tyrrah kari poi chei chah yooh uwi hadooh wa yap wei chah thang 15 tylli ki Truck ka Star Cement

Neiliang u Addl. SP ka East Jaiñtia Hills District da pynche u yeiwa jia ynnin i miet ha Star Cement wa em ha Lumshnong hadooh wa poi chei chah thang ki Truck wa em 14-15 tylli wei yeiwa khlaad uwi u bru.

Nyngkong hei janmiet da pyntip cha ki pulit wa em u bru uwa man kam u tre chnong uwa chah yooh ha ka Truck ha Star Cement hadooh wa yap wei ini da pynman ko ya ki paidbah u chrai wei wow pynman yakhih.

Manda lai ki pulit ka Lumshnong cha ini i thaw, da hap ki wow khut chooh ki pulit na kiwi ki thaw wei hawa takit da chem nyngkong da em i ya tyrrah hajan ka chnong Wahiajer, EJH ha u sarokbah NH-06 hapyrdi kawi ka Truck ka Star Cement wa ka kari Pick-Up. Kani ka Truck toh kawa yah da u tre chnong hi tangwa da yut ko na ini i thaw wa jia. Kamtæ kani ka Pick-Up deilang wa kiwi da kdong ki ka kani ka Truck hadooh wa poi cha Star Cement.

Manda poi heini, uni uwa yah Pick-Up uwa man leh kam u tre chnong da ku u ka kani ka Truck ka Star Cement wei da dat u oo uwa yah kari uwa da pyrchang u yut deiwa lai chakhmat wei heini i por da chah yooh uni u bru uwa da khlaad pyn ha ini i thaw wa jia.

Related posts

Mih i Video heipor wa jia ya uwa chah yooh ha ka Truck ka Star Cement

May 19, 2025

Thoh ka WJSU cha u MP wa khrong poisa kiwa kreh ka Dawki Land Port na ki Truck wa lai cha Bangladesh

May 19, 2025

Hadien wa jia ini da wan kamwa 300 ngut ki bru kiwa chong chnong hajan ini i thaw kiwa rah wait wa kiwi de ki tiar kiwa da yalang ha Star Cement wei da tympra ki ya ki thaw yang sonteri, ki CCTV wei da dat ki leh ya u Security Guard.

Da khang ki leh wow kyrriah yei metyap tangwa hadien won da ye wow phah yei metyap cha Civil Hospital, Khliehriat.

Du hapoh kattu katni por kini ki bru da thang ki ya 14-15 tylli ki Truck wa pynyieñ hapoh ka Star Cement heiwa da poi smat ki kari tympleh diñ ka Star Cement tangwa kini ki kari da chah dat ki kamjooh ki bru wa tympleh diñ. Ki pulit da yaleh ki wow khang ya kini ki bru kiwa da mut sa wow thang ya kani ka kari tympleh diñ deilang wow dat ya kini ki bru tangwa da sdang ki leh wow dat sa ya ki pulit kiwa dang pyrchang wow pyn jai-jai wei e yada.

Hadien won manda poi chooh chooh ki pulit da ye wow tympra ya kini ki bru wei da tympleh yei diñ. Kamtæ da booh da ki pulit ha Star Cement yow lait biang u mih i kynaad.