Thoh ka WJSU cha u MP wa khrong poisa kiwa kreh ka Dawki Land Port na ki Truck wa lai cha Bangladesh

Ka seiñ War Jaiñtia Students’ Union (WJSU) da phah dorkhat ko cha u MP, u Dr. Ricky AJ Syngkon hajrong i chna khalær ya u sarokbah ha i bynta ka Dawki- Amlarem (NH-206) iwa da pynkreh da ka National Highway Authority of India (NHAI) ha ka mang tangka wa Rs. 43 klur tangwa manda pait yei rukom kreh da yoo lakam Rs. 43 lak wei uni u sarok da sih u hapoh chi snem donhi.

Ka seiñ da pyntip ko leh cha u MP yei slem i kreh yow chna ya ka Eklavya Model Residential School, Umladkur, neitæ i dawa booh ya ka Dawki LCS Transit Point ha chnong Muktapur, Amlarem Civil Sub Division yow pynsuk yei chalan moochuni kiwa mih na Syndai-Trangblang wa Bataw-Lakadong yow phah cha Bangladesh.

Ka seiñ da kdaw ko leh yei wym krehkaam ka Residential School wa em ha Pdengshakap wot hadien wa dadep u chna ya waroh i jait.

Heiyatoh wa ka Dawki Land Port kawa da e mynsien ya ki bru hadien wa booh ya ka, tangwa da ong wym em krehkaam ko deiwa hun heithaw wow pynsuk ko ya ka khayi pateiñ da chah dawa poisa pathan ki bru wa khayi da kiwa kreh kani ka Land Port hadooh Rs. 1000 chaneiñ kawi ka Truck chwa wow psiah cha Bangladesh.

Related posts

Pynkup burom ka NPYF ya 137 ngut ki khynnah ka Jowai Constituency wa lehbha ha ka SSLC wa HSSLC

July 5, 2025

Hap khang ya u sarok Liatlyngkot-Lyngkyrdem neibynta waroh ki jati kari

July 5, 2025

Ka seiñ da ong ko wa ini wa leh toh iwa da ktah ya ka khayi pateiñ wei da toh u takit da ka Enforcement Directorate yeini chah khrong poisa yow man kani ka Land Port kawa ya ryngkat wa kiwi wa em hapoh ka ri.

Kamtæ da yooluti wa u MP daw chimkhia u ya ini waroh.