Ka seiñ na Garo Hills kawa tip kam ka Federation of Achik Freedom (FAF) da pyrchah joor ko yei thmu ka chnat puræ puthi wow pynman ya ka SSLC Exam ha u December heithaw u February-March wa jooh pynman ka.
Da ong ki wa da sñiaw ki yei em i pynbor ya ka MBoSE wow pynman ya ka SSLC ha u December ha uni u snem, wei ini toh iwa khlem da yoh por kiwa yaleh Exam wow pyrkhat wei daw pynkhia bha ko ya ki wei wym dap por wow pynkhreh ya kani ka Exam kamwa da jooh man nachwa.
Chooh chooh da ong ki wa kani ka Exam toh kawa emkaam bha wei toh kawa chimpor wow pynkhreh ymtoh kawa ye u pynjhan wei da phylla ki leh wa kammon da leh yeini khlem da ap yei sñiaw yei ong kiwa boon.
Kamtæ da kyntu ya ka sorkar wow pyrkhat ko yeini wei wow pynman ya ka Exam kamwa jooh hi yow man ko kawa khooid wa bha yow lait leh u chah ktah ka mynried ki khynnah.
Discussion about this post