Ka Meghalaya Board of Education (MBOSE) da pyntip ko wa hadien wa dep u pynman ya ka Secondary School Leaving Certificate (SSLC) Supplementary Exam 2025 nadooh ka 1 tarik hadooh ka 8 tarik uni u bnai, da em 7066 ngut kiwa da yaleh wei kiwa Pass da em ki 5678 ngut iwa mut ka Pass Percentage da man ko 80.35%.
I pynman ya kani ka Exam da man ko kawa lai bait deiwa ya krehlang ka chnat Education, ki bor District, ka chnat Police, kiwa pynlai ya ki skur kiwa da kreh chitom yow pyndep ya ini i kaam heiwa ya ka Result da pynbna ka ynne ka sngi.
Kani ka Supplementary Examination toh kawa da pynman khaddooh ya ka ha u snem 1993 neibynta kitu kiwa Fail Subject.
Deiwa kheiñ ya ka Pass Percentage ka SSLC Examination 2025 wa kani ka Supplementary, da ku ka Pass Percentage cha ka 96.02% heiwa ha ka Main Exam kawa dadep pynbna Result ha u bnai wa dep ka Pass Percntage da man ko 87.10%.
Ini mut i na 63,682 ngut kiwa yaleh kiwa Pass da em ki 61,161 ngut.
Ka MBOSE da pyntip ko wa ka Pass Percentage da ku bha ko na ki snem cha ki snem wei i daw toh deiwa wanrah ya ka CM IMPACT Guide Book.
Kamtæ da yooluti wa ha ki snem wow wan leh ka Result daw bha chooh chooh ko neibynta ka mynried wa bha ki khynnah.
Discussion about this post