Khih u khmi le sien ynne i step ka 28 tarik

U khmi ynne i step ka 28 tarik da khih u le sien uwa sdang na ka jylla Manipur wei da sñiaw ya oo chadooh cha Meghalaya, Nagaland, Mizoram wa kiwi ki jylla kamjooh ha ri Bangladesh wa Myanmar.

U khmi wa nyngkong da khih u heipor 1:45 i step synyaaw na Churachandpur uwa khlanbor 5.2 ha ka Richter Scale wei uwa yillu 40 Km chapoh khyndaw wei ya uni da sñiaw malu mala hadooh ha Jowai deilang ki thaw wa em ha Nagaland, Assam, Tripura, Mizoram wa Myanmar.

U khmi wa ar da khih u heipor 2:26 wa khlanbor 2.5 ha u Richter Scale uwa da sdang na Noney, Manipur uwa yillu 25 Km wei ya uni u da sñiaw du hapoh Manipur donhi.

Uwa le won da khih u heipor 10:23 i step wa khlanbor 3.9 uwa da sdang na Churachandpur, Manipir wei yillu 36 Km. Ya uni da sñiaw leh cha Nagaland wa Myanmar.

Related posts

Ham lai cha baar ri, ham bia cha baar ri, ham thied ksiar kyntu u Modi ya kiwa chong chnong hawa ku ka GDP cha 7.8%

September 1, 2026

Yachem u James wa ki heh ka PNB yeiwa pynkhor kyndon ki neibynta ki jaitbru ri-loom ka Meghalaya

September 1, 2026

Hadooh wa pynmih ya ka khubor ym em wa jia wa sñiawsih.