Uwi u YouTuber na India uwa lai uiñke cha Turkey uwa em ya u Channel Malik Swashbuckler da chah kem u ha Turkey hadien wa poor i Video wa klam khlemakor u ya ka kynthai dei Hindi ha katai ka ri.
Ha iwi i Video, uni u bru wa tip kam u Malik SD Khan da klam khlemakor u ya kawi ka bru kawa man kam ka Guide u heiwa da ong u dei ktien Hindi lada toh u slaitbor u ka hei mitet.
Neiliang ki bru kani ka ri ym sñiawthooh ki tangwa hadien kattu katni por da sdang ujor ki paidbah ya ki kyntien wa klam u ya ka kynthai ha katai ka ri.
Uni u bru da psiah u leh ha iwi i dukan deilang wa kani ka Guide heiwa da kylli u wa ileh wym em ka lama ka ri India hapoh kani ka dukan kawa em boon tylli ki lama yong kiwi ki ri heiwa da klam u leh dei ktien klemakor ya u tre dukan u wym sñiawthooh yei ktien Hindi.
Da em leh ki Video wa da ong u ya ki kynthai ka Turkey kam ki mar (maal).
Ini wa leh u Malik da pynchrai i ya kiwa chong chnong ka ri Turkey wei neiliang ki pulit da kem ki oo hadien wa ujor ki paidbah.
Ha ki Video u da ong u wa da klam u dei Hindi khnang wow lait wow em u sñiawthooh oo.
Kamwa man kattæ da Delete u ki kini ki Video u tangwa ki bru dadep ki wow yoh ki chwa wow leh u yeini.
Discussion about this post