Phah su ka Consumer Commission yei lutsan kawi ka manyung neidaw wa mih ka rel 2 kynta chwa i por

Kawi ka manyung da maad ko yeiwa kthang hadien wa thmu wow lai da ka rel na Goa cha Delhi neidaw wa mih ka rel 2 kynta chwa i por wa da booh.

Katkam ka hukum ka Ferozepur District Consumer Disputes Redressal Commission da phah su ya ka Northern Railway, Konkan Railway wa ka IRCTC Rs. 15,620, Rs. 10,620 wa Rs. 5,000 kam ka bai lutsan, ka bai pynchrai wei ka bai mukotduma cha ka manyung. 

Ka Commission da ong ko wa i wym pyntip ya kiwa lai wa wan yeiwa daw smat ka rel u mih man i i duna hei chakri wei kiwa lai wa wan ymtoh u tip ki yei pynkylla yei por manda poi ki ha Station rel.

Katkam ka ujor, uwi u manpa da thied u le tylli ki Ticket neibynta ka kurim wa ka khon wow lai na Madgaon ha Goa cha Hazrat Nizamuddin ha Delhi ha ka 10 tarik u June 2024 heiwa ka bai Ticket waroh da man ko Rs. 10,620.

Da ong wa manda poi ki ha Station rel chwa i por wa da chon ha ki Ticket wow mih ka rel tangwa da chem wa da mih ko 2 kynta chwa i por wa da booh.

Related posts

Beiñ ki paidbah yei wym sarom u dawa Diwali Gift u pulit na uwa yah kari

November 8, 2026

Yieñ skem ka KSU wa kiwa chong chnong yow pyrchah ya ka Shree Cement hadooh wa jop

November 8, 2026

Da ujor wa ka Indian Railway Catering and Tourism Corporation (IRCTC) ym em u pyntip ko ya ki yeiwa pynkylla yei por wow mih ka rel heiwa da lai ki ha u Station Master wow paan pynche tangwa da ong wa toh i kaamram ka IRCTC wow pyntip yei por.

Kamtæ da hap noh ki wow thied da ki le tylli ki Flight Ticket wow lai cha Delhi.