U Chairman ka Central Recruitment Board, u Dalton P Marak, IGP (Sb/Bdr) da pyntip u wa da yoh wow chem sa soo ngut kiwa leh thok heipor wa pynman ya ka Written Exam i yalehkreh pulit ha ki Centre wa em ha East Jaiñtia Hills wa Eastern West Khasi Hills.
Ha ka 31 tarik u Naisan uwa yaleh yei kreh Driver Fireman ha ka Exam Centre wa em ha East Jaiñtia Hills wa em ya u Roll No. 33032220 da chem wa leh thok u heipor wa thoh Exam u.
Ha ka 1 tarik uni u bnai ha East Jaiñtia Hills ha ka Written Exam neibynta ki kreh AB/BNC/MPRO GD/Constable Handyman da chem ya ar ngut kiwa leh thok kiwa em Roll No. 22049407 wa Roll No. 22022738.
Ha ka 31 tarik u Naisan ha ka Written Test wa da pynman neibynta i kreh Fireman ha ka Exam Centre wa em ha Eastern West Khasi Hills da chem sa ya uwi uwa da leh thok uwa em Roll No. 33002444.
Kini waroh toh kiwa da tip ya ki kyndon yaleh Exam wym chah u leh thok, kamtæ ya kini waroh da khang ya ki wow chimbynta ki ha kiwon kiwon ki yaleh kreh pulit neini chakhmat wei ya iwa kattæ leh da pyndam yei pyrtuid ki.
Lada kwah ki wow yasaaid ye ki wow thoh cha ka CRB lyngba ki SP ki District wa chong thoh Exam ki.
Discussion about this post