Dawa pynchitom ka JWC ya ki Doctor wa ki Nurse hajrong i jia ha MCH Hospital

Ka seiñ Jaiñtia Women Council (JWC) ynne ka sngi da dawa ko wow pynchitom ya ki Doctor, ki Nurse wa waroh kiwa kreh kiwa em Duty hadien wa khlaad ka manbei wa punkhon ha Maternity and Children Hospital, Jowai ha i miet ka 4 tarik du neidaw i kheiñstiñ.

Ka JWC da ong ko wa mar ya yoh khubor yeiwa jia da lai ki wut-wut cha kani ka thaw sumaar ha Panaliar wow yachem ya ki heh wa pynlai ya ka.

Kawa kitkaam ka seiñ, ka Ebansara Lamare da ong ko wa lada kani ka Hospital sorkar ymye ko wow chimkhia ya kiwon kiwon kiwa chitom wa da pdiang wow sumaar, sñiawbha ham pdiang ya ki neibhah pynsñiawsih ko ya kiwa boon lada jia kamni kat hadooh wow dooh ya ki mynsien wa kordor. 

Ka General Secretary ka ka seiñ, ka Nica Lapasam da ong ko wa ka seiñ daw booddien ko yeini iwa jia neibhah ymtoh ka sien wa nyngkong wa jia kam ini hapoh kani ka thaw sumaar.

Related posts

Daw pynkhlan yei rukom krehkaam wow pait yei psiah i mih ha Meghalaya: Conrad Sangma

August 7, 2025

Ujor ka Deiwi Tongper pyrchah ya ka Star Cement ha ka CPCB, SPCB, MP, CEM wa DC

August 7, 2025