U Montri Rangbah ka jylla, u Conrad K Sangma heipor wa wan u cha Jowai ynnin ka sngi yow lai pait yei kreh ya ka Iawmusiang Shopping Complex, da yoo u leh ya uwi u bru uwa chong ha rood sarok uwa rwai wei tem Guitar kam ka laad kamai.
Hawa yoo yeini u Conrad da kylli u wa lada kwah Guitar thymme u wei deiwa yarap u MLA ka Jowai, u Wailadmiki Shylla wow yaklam neiliang uni u bru da ong u bien hi u lada e ya oo da ka Guitar wa thymme.
Kamtæ neiliang u Conrad da phah u wow pynyoh ya uni u bru uwa duna ki bor khat uwa da ki boon snem uwa da jooh wan wow tem Guitar wei wow rwai ha Iawmusiang.
Ini ymtoh i sien nyngkong wa da e yarap u Conrad da ki tiar tem cha kiwa tem wa put heiwa ka Eastern Brook Band kawa man ka dhab tem kiwa duna hei bor khmat da yoh ki da ka Guitar, Bass, Keyboards wa ki Drums kam chibynta ka Meghalaya Grassroots Music Programme.
Puræ leh: Da ki tiar tem e yarap u Conrad cha kiwa duna hei bor khmat
Discussion about this post